Our Beloved Ate Ying

Everybody knows Ate Ying for she took care of us from the beginning, before most of us were born. Whether we have problems or not, she was there, not calculating the cost or inconvenience incurred on her. She's family. The photo shows her at the extreme right, watching over us watch the roasting of the pig near the home of Uncle Rudy, which was in the early 70s. Remember that time, the good old times of yesteryears?

Last May 20, during the celebrations of Tatay and Ima's golden wedding anniversary, a letter written by Ate Ying was read in front of all the guests. Tears fell as the words were being read. We have in our midst a faithful friend and family member. With Ima's permission, I have printed her entire letter (handwritten) below for all of us to think about. It's addressed to Tatay and Ima, and written in Tagalog. So here it is...

May 20, 2006

Mahal Kong Kuya at Ate,

Sa mahalagang araw na ito sa inyong muling pagpapakasal ay ibinibigay ko ang aking taus pusong pagbati ng tapat na pagmamahal!

Hindi ko malilimutan ang araw nang una kong pagdating sa inyong piling; ako noon ay labing-pitong taong gulang pa lamang, at hangga ngayon na sinapit ko ang gulang na animnapu't dalawa ay nasa inyong piling pa rin ako. Ang pagsisilbi ko sa inyo ng apatnapu't limang taon ay nakapagdulot sa akin [ng pagkakataon] upang matikman ko kung paano ang mahalin at ituring na isang miyembro ng pamilya. Pinalaki ko ang inyong mga anak na itinuring ko ring parang akin. Hindi ako nagkaproblema sa pagpapalaki dahil sa kabaitan na itinuro ninyo sa kanila. Hangga ngayong malalaki at nasa estado na, kabaitan pa rin ang ipinadarama sa akin. Ngayon ang mga anak naman nila ang aking pinalalaki at inaaruga.

Nagkaroon ng pagkakataon na inisip kong umuwi noon at umabot ako ng dalawang buwan sa amin sa Matayumtayum, hindi ako mapakali at ang isip ko ay nasa inyo, hanggang magdesisyon ako na bumalik sa inyong piling; ganyan pala pag napamahal ka sa mga taong naging bahagi na nang iyong buhay. Totoo, Ate at Kuya, at sa inyong mga anak at apo, bahagi na kayo ng aking buhay; kayo na ang aking pamilya at siguro Panginoon na lang ang may alam kung kailan tayo maghihiwalay.

Idinadalangin ko sa Panginoon na sana'y bigyan pa ako ng lakas at mahabang buhay upang maipakita ko pa ang pagmamahal ko sa inyo, at mapagsilbihan ko pa kayo ng buong puso, at idinadalangin ko rin sa Panginoon na bigyan din kayo ng mahabang buhay upang madama ninyo at makita ang pagmamahal kong ito.

Sa inyo na aking itinuturing na pamilya: Kuya, Ate, Hil, Lelette, Noel, Joji, at Joy, maraming maraming salamat sa lahat lahat, sa biyaya, sa pagmamahal, sa pag-iintindi at sa pang-unawa sa akin, wala akong masasabi kun'di salamat sa Panginoon at ibinigay kayo sa akin.

Ang nagmamahal nang tapat,
Auring

There you have the entire letter.